Oñatiko Araotz bailara Gipuzkoako txoko ezkutuenetako bat da. Aizkorri, Zaraia eta Elgea mendilerroen artean hondoratuta dago, Jaturabe haitzartetik iristen den arro batean. Errepidea basoz inguratutako amildegi batean barrena jaisten da, Orkatzategi mendiaren oinetara, eta haren kareharrizko hormatzarrean Aitzuloko begi izugarria irekitzen da. Paisaia zirraragarri horri begira geratuz gero,  haizearen xuxurla entzungo da eta harraparien hegada ikusgarria ikusi.

Zuloaren hondoan, errepidean goazela, zubi bat zeharkatu eta Jaturabeko pasabide meharrean barrena sartukko gara. Eztarri horrek urtegi txiki bat du, baso eta harkaitz bertikalen inguru hau are gehiago edertzen duen ur-xafla bat.

Isiltasuna oraindik existitzen den tokian
Aizkorri-Aratz Parke Naturalaren bihotzean, mendiz eta natura ukitu gabeaz inguratuta, lau apartamentu rural esklusibo daude, lasaitasuna, espazioa eta benetako deskonexioa bilatzen dutenentzat pentsatuak.

Araotz pausa da.
Aire garbia da.
Zaratarik gabeko denbora da.

Lasaitasuna baloratzen dutenentzako ostatua
Araotz ez da ostatu masiboa. Gutxi batzuentzat pentsatutako lekua da: 4 apartamentu besterik ez, ingurune naturalean txertatuak, pribatutasuna, isiltasuna eta benetako egonaldia bermatzeko.

Honetarako aproposa:

• Bikote-ihesaldiak
• Etenik gabe atseden hartzea
• Eguneroko erritmotik deskonektatzea
• Naturan inguratutako telelana